فخر ائدروخ اکبره بیز
منظومه در عظمت حضرت علی اکبر علیه السلام عزیز دل سیدالشهدا
به قلم: استاد غلامی سرای
یار دیور گوللره باخ
ماه فلک منظره باخ
عرشه باخان گوزلره باخ
اکبره باخ اکبره باخ
من باخیرام لاله لره
اوزده گوزل هاله لره
گونَه ده کی چاله لره
گوزدن آخان ژاله لره
من باخیرام قامتینه
دیلده کی قد قامتینه
هوش آپاران هیاتینه
یاریمونان بیعتینه
اکبر آلیب سینه لری
عرش ده گنجینه لری
جوشه سالیر همتینن
الفت دیرینه لری
گولسه هامی گوللر آچار
غم گئدی نیسگیللر آچار
گول آدی دیللر دولانار
باغلی قالان دیللر آچار
فخر ائدریخ اکبره بیز
سرو بلند اختره بیز
کل بهشتی آلاریخ
دَیسه یئل او تللره بیز
دویماریخ عالم بویونا
قوربان او رعنا بویونا
سالموشوق عشقینده هامی
عشق نشانین بویونا
نوره سالیبدور قمری
مات اونا حوری و پری
سویله." غلامی" که دوشه
شعریوه یارین نظری
مرکز فرهنگی شهید جدیری کهنموئی
https://t.me/shahidjodeiri
https://eitaa.com/shahidjodeiri
https://sapp.ir/shahidjodeiri
http://shahidjodeiry.blogfa.com
https://www.instagram.com
مسئولیت فایل آپلود شده بر عهدهی کاربر آپلودکننده میباشد، لطفا در صورتی که این
فایل را ناقض قوانین میدانید
به ما گزارش دهید.